தூங்கும் போது எந்த திசையில் தலை வைத்து படுக்க வேண்டும்?

by **ஹரி ஓம்** Wed Jun 20, 2012 7:34 pm

தன்னுடைய சொந்த வீட்டில் கிழக்கு திசையில் தலை வைத்து படுக்க வேண்டும். மாமனார் வீட்டில் தெற்கு திசையில் தலை வைத்து படுக்க வேண்டும், வெளியூரில் தங்கும்போது மேற்கு திசையில் தலை வைத்து படுக்க வேண்டும், ஆனால் எக்காரணம் கொண்டும் எப்போதும் வடக்கு திசையில் தலை வைத்து படுக்கக் கூடாது என்று கூறுகின்றனர் சான்றோர்கள்.

கெட்ட கனவு வருகிறதா :-
சிலருக்கு அடிக்கடி கெட்ட கனவுகள் வந்து தொல்லை கொடுக்கும் அவர்களின் அலைபாயும் மனது தெளிந்த நீரோடை போல் இருந்தால் அந்த பிரச்சினை வரவே வராது. அதற்கு ஒரு சுலோகமும் உள்ளது.

ராமம் கிருஷ்ணம் ஹனுமந்தம்
வைணதேயம் விருகோதரம் சயனே,
யஸ் ஸ்மரேன் நித்யம்
துஸ்வட்னம் தஸ்ய நஸ்யதி.

தூங்கும் முன் இந்த சுலோகத்தை சில முறை மனதார கூறி பிரார்த்தனை செய்யுங்கள். ஆழ்ந்த தூக்கம் வரும். கெட்ட கனவுகள் வரவே வராது.

மல்லாந்து கால்களையும், கைகளையும் அகட்டி வைத்துக்கொண்டு படுக்கக்கூடாது. இதனால் இவர்களுக்கு தேவையான ஆக்ஸிஜன் உடலுக்கு கிடைக்காமல் குறட்டை உண்டாகும்.

குப்புற படுக்கக்கூடாது. அதுபோல் கால்களை தவளைபோல் வைத்துக்கொண்டு தூங்கக்கூடாது.

இடக்கை கீழாகவும், வலக்கை மேலாகவும் இருக்கும்படி கால்களை நீட்டி இடது பக்கமாக ஒருக்களித்துப் படுக்க வேண்டும்.

இதனால் வலப்பக்கம் உள்ள சூரிய நாடியில் எட்டு அங்குலம் வரை சுவாசம் செல்வதால் நீண்ட ஆயுள் உண்டாகும். மேலும் சூரிய நாடியில் வரும் வெப்பக்காற்று பித்த நீரை அதிகம் சுரக்கச்செய்து உண்ட உணவுகளை எளிதில் சீரணமாக்கும் .

இடது பக்கம் ஒருக்களித்துப் படுப்பவர்களின் இதயத்திற்கு சீரான பிராணவாயு கிடைப்பதால் இரத்த ஓட்டமும் அதிகம் செல்லும். இதனால் இதயம் பலப்படும்.

வலது பக்கம் ஒருக்களித்துப் படுப்பதால் சந்திர நாடியாகிய இடப்பக்க மூக்கின் வழியே சுவாசம் 15 அங்குலம் வரை செல்லும். இதனால் உடல் வெப்பத்திற்குப் பதில் குளிர்ச்சியே ஏற்படும். சீதளம் உண்டாகும். இரவு உண்ட உணவு சீரணமாகாமல் புளித்துப்போய் விஷமாக மாற நேரிடும்.

எந்த திசையில் தலைவைத்துப் படுக்க வேண்டும் என்பதை சித்தர்கள் அன்றே கூறியுள்ளனர்.

உத்தமம் கிழக்கு

ஓங்குயிர் தெற்கு

மத்திமம் மேற்கு

மரணம் வடக்கு

கிழக்குத் திசையில் தலை வைத்துப் படுப்பதே நல்லது என்கின்றனர் சித்தர்கள். ஆனால் நீண்ட ஆயுளைப் பெற தெற்குத் திசையில் தலை வைத்துப் படுப்பது நல்லது. மேற்கு திசையில் தலை வைத்துப் படுப்பதால் கனவுகள், அதிர்ச்சி போன்றவை உண்டாகும்.

வடக்கு திசையில் ஒருபோதும் தலைவைத்துப் படுக்கக்கூடாது. இதனை விஞ்ஞான ரீதியாக ஒப்புக்கொண்டுள்ளனர். வடதிசையிலிருந்து வரும் காந்த சக்தி நம் தலையில் மோதும் போது அங்குள்ள பிராண சக்தியை இழக்கும் இதனால் மூளை, பாதிக்கப்படுவதுடன் இதயக் கோளாறுகள், நரம்புக் கோளாறுகள் ஏற்படும்.

நல்ல தகவல்!

by **ஹரி ஓம்** Sun Sep 02, 2012 6:11 pm

சுந்தரேசன் புருஷோத்தமன் wrote:நல்ல தகவல்!

நன்றி புருஷோத்தமன்

by **tmm_raj_ramesh** Mon Sep 17, 2012 12:06 pm

நன்றி.

ஒவ்வொருவரும் தெரிந்து கொள்ள வேண்டிய கட்டாயத் தகவல். உறக்கம் என்பது நிம்மதியாக இருக்கும் போது தான் விழிப்பு என்பது திருப்தியாக இருக்கும். நன்றி.

by **ஹரி ஓம்** Mon May 13, 2013 2:22 am

நன்றி ரமேஷ்

by nalini Sun Jul 07, 2013 10:40 pm

தாங்கள் சொந்த ஊரில் கிளக்கு பக்கம் தலை ஹூங்க வேண்டும் என்று சொன்னிரிகள் ஆனால் வேறு மாநிலங்களில் வடகைக்கு இருந்தால் எந்த பக்கம் தலை வைக்க வேண்டும் .பதில் கூறவும் பிளீஸ்

by **ராகவா** Wed Sep 11, 2013 7:35 pm

அருமையாக உள்ளது..யோசனையே யோசிக்கிறேன்..

by Sponsored content

தூங்கும் போது எந்த திசையில் தலை வைத்து படுக்க வேண்டும்?

தூங்கும் போது எந்த திசையில் தலை வைத்து படுக்க வேண்டும்?

Re: தூங்கும் போது எந்த திசையில் தலை வைத்து படுக்க வேண்டும்?

Re: தூங்கும் போது எந்த திசையில் தலை வைத்து படுக்க வேண்டும்?

Re: தூங்கும் போது எந்த திசையில் தலை வைத்து படுக்க வேண்டும்?

Re: தூங்கும் போது எந்த திசையில் தலை வைத்து படுக்க வேண்டும்?

உறங்கும் திசை

Re: தூங்கும் போது எந்த திசையில் தலை வைத்து படுக்க வேண்டும்?

Re: தூங்கும் போது எந்த திசையில் தலை வைத்து படுக்க வேண்டும்?