பிரம்மானந்தம் - ஆன்மீகம்- vinoth

by **ஆனந்தபைரவர்** Thu Aug 05, 2010 10:07 pm

இறைவன் வேறெங்குமில்லை அவன் உனக்குள்ளே இருக்கிறான் என உணர வைப்பது ஆன்மீகம். இதையே

"அஹம் பிரம்மாஸ்மி"
"தத்வமஸி"
"அயமத்ம பிரம்மா"
"ஓம் தத் சத்"
போன்ற மகா வாக்கியோபதேசங்கள் உணர்த்துகிறது.

இந்திய ஸநாதன தர்ம விளக்கங்களில் மனித படைப்புகளை மட்டுமல்லாமல் இரேழு 14 உலகங்களைப்பற்றியும் மனித, யட்ஷ, கந்தர்வ, தேவ போன்ற பலவகை பிறப்புகளைப்பற்றியும் கூறப்பட்டுள்ளது.

இதில் உயர்ந்த பிறவி அல்லது பதவி என்பது பிரம்மா என்பதாகும்.

பிரம்மாவின் ஆனந்த அளவை பிரம்மானந்தம் எனக்கூறுகிறோம்.
அதாவது பிரமன் அடையும் அதிகபட்ஷ ஆனந்த அளவு பிரம்மானந்தம் ஆகும்.

அந்த கணக்கு கீழே தரப்பட்டுள்ளது.

100 மடங்கு மனித ஆனந்தம் - 1 கந்தர்வ ஆனந்தம்
100 மடங்கு கந்தர்வ ஆனந்தம் - 1 தேவ கந்தர்வ ஆனந்தம்
100 மடங்கு தேவ கந்தர்வ ஆனந்தம் - 1 தேவ ஆனந்தம்
100 மடங்கு தேவ ஆனந்தம் - 1 இந்திர ஆனந்தம்
100 மடங்கு இந்திர ஆனந்தம் - 1 பிரஹஸ்பதி ஆனந்தம்
100 மடங்கு பிரஹஸ்பதி ஆனந்தம் - 1 பிரஜாபதி ஆனந்தம்
100 மடங்கு பிரஜாபதி ஆனந்தம் - 1 பிரம்மானந்தம்

பிரம்ம ஆனந்தமே இவ்வாறு எனில் அதை விட உயர்ந்த இறைநிலையின் ஆனந்த அளவை கணக்கிடுவது மிகக்கடினம். அது எல்லையில்லாதது.

8 யுகங்கள் சேர்ந்தது பிரம்மாவுக்கு ஒரு நாள் என்றும் அதே போல
100 ஆண்டுகள் (2,92,000 யுகங்கள்) சேர்ந்தது பிரம்மாவின் ஆயுள் எனவும் கூறப்படுகிறது. (மழைப் பூச்சிகள் ஒரே நாளில் வளர்ந்து மடிவதைப்போல பிரம்மாவின் கீழ் நாம் வாழ்ந்து மடிகிறோம்)

மனிதன் பிரம்மமாக மாறுவதற்கு பலவகை யோக, தியான முறைகளையும் கூறிச்சென்றிருக்கிறது ஸநாதன தர்மம். (பிரம்மம் என்பதற்கும் பிரம்மா என்பதற்கும் வித்தியாசம் உள்ளது).

இப்பேரின்பங்களை அடையவே மனிதன் இறைவனை நாடுகிறான். ஆனால் பிரம்மலோகம் வரையான எல்லா உலகங்களும் அழியும் தன்மை உடைது என பகவத்கீதை சாட்சி கூறுகிறது (எட்டாவது அத்தியாயம் பதினாறாவது ஸ்லோகம்). பிரம்மாவிற்கும் ஆயுளை பகுத்துக்கூறுகிறது ஸநாதன இந்து வேதம்.

பிரம்மலோகமே அழியும் எனில் நாம் சுவர்க்கம் எனக்கூறுவதை நிலையானது எனக்கருதுவது நகைப்பிற்குரியது.

பிரம்மாவிற்கே ஆயுள் இருப்பதால் அதன் கீழ் உள்ள தேவர்களைப்பற்றியோ சிறு தெய்வங்களைப்பற்றியோ கூறவேண்டியதில்லை.

சுவர்க்கம் செல்ல வேண்டும் என புண்ணியங்கள் செய்வோர்களும் மத நம்பிக்கையில் ஈடுபடுவோர்களும் அவரவரது பாவபுண்ணியம் தீர்ந்தபின் மீண்டும் அந்த உயிர் பிறப்பு எடுக்கும் என்கிறது பகவத் கீதை.
எனவே அழியும் சுவர்க்கத்தை அடைய நாட்டம் கொள்ளாமல் இறைவனுடன் நிரந்தரமாக இணைய இறைவனை வேண்டுவோம்.

"என்னை அடைய நினைப்பவன் சத்தியமாக என்னையே அடைகிறான்" -- கீதையில் கிருஷ்ணன்.

http://tamil2friends.com