பந்தாடிவிட்டு கீதையைப் படி - விவேகானந்தர்

by **ஹரி ஓம்** Thu May 05, 2011 7:27 pm

* இருதயம் அடிக்கும்போது ஒரு சப்தம் உண்டாகிறது. அது வெளியில் எங்கேயோ இருந்து வருவதாக மனிதன் எண்ணிக் கொள்கிறான். உள்ளத்தில் தெய்வம் இருக்கிறது என்பதைத் தான் அந்த சப்தம் உணர்த்துகிறது.

* நேரடியாகப் படிப்பதை விட, கால்பந்து ஆடிவிட்டு பகவத்கீதையைப் படி. அப்போது தான் அது நன்கு புரியும். ஏனென்றால் வலிமையானவர்களால் மட்டும் ஆன்மிகத்தை அடைய முடியும்.

* பாவஎண்ணங்கள் மிகவும் மோசமானவை. பாபசிந்தையும், பாவச்செயல்களும் ஒன்றே. ஒருவன் பாவச்செயல்கள் புரிந்தால் எந்த அளவுக்கு வருந்துவானோ, அந்த அளவுக்கு பாவஎண்ணங்களுக்கும் ஒருவன் வருந்த வேண்டும்.

* நம் ஒவ்வொருவரையும் மகத்தான அரிய செயல்களைச் செய்வதற்காகவே ஆண்டவன் படைத்திருக்கிறான். அதனால் நாம் அனைவரும் மனம், இதயம், ஆன்மா முழுவதையும் மகத்தான செயல்களுக்காக அர்ப்பணிப்போம்.

* நமக்குத் தேவையான எல்லா வலிமையும், உதவியும் உனக்குள்ளேயே குடிகொண்டிருக்கின்றன. அதனால் எந்த உதவியையும் நீங்கள் பிறரிடத்தில் எதிர்பார்க்கத் தேவையில்லை.

* கொடியவிஷத்தைக் கூட ஒருவன் உள்ள உறுதியோடு பொருட்படுத்தாதிருந்தால், அவ்விஷம் சக்தியற்றதாகி விடும். மனதின் வலிமை உணர்ந்து கொண்டவனால் சாதிக்க இயலாத காரியம் எதுவுமில்லை.