கடும் உழைப்பே நமக்கு தேவை - விவேகானந்தர்

by **ஹரி ஓம்** Mon Feb 28, 2011 2:50 pm

* ஓய்வு ஒழிச்சல் இல்லாமல் வேலைகளைச் செய்து கொண்டே இருங்கள். ஆனால், வேலைகளிலேயே நீங்கள் கட்டுப்படவிடக்கூடாது. சுதந்திரமாக உங்கள் பணிகளைச் செய்யுங்கள். அன்பின் அடிப்படையில் உங்கள் பணிகள் தொடரட்டும். அடிமை போல உங்கள் வேலையின் கட்டுக்குள் சிக்கிவிடாமல் பணியாற்றக் கற்றுக்கொள்ளுங்கள்.

* கற்பு நெறி என்பது ஆண், பெண் என இருபாலாருக்கும் பொதுவாக இருக்க வேண்டிய முதல் நன்னெறி யாகும். இதில், ஆண் பெண் என்ற பேதம் கற்பிக்கத் தேவையில்லை. எல்லோரும் உடலாலும், உள்ளத்தாலும் கற்புநெறி பிறழாமல் தூயவாழ்க்கை வாழ கடமைப்பட்டிருக்கிறார்கள்.

* உங்களுக்கு வேண்டியதை எல்லாம் அரசாங்கம் தருவதாக வைத்துக் கொள்ளுங்கள். தந்த அவற்றைப் பாதுகாக்க நல்ல மனிதர்கள் தேவையல்லவா? அதனால் நல்ல மனிதர்களை உருவாக்குவதே இன்றைய சமூகத்தின் முதல் தேவையாக இருக்கிறது.

* இன்றைய கடுமையான உழைப்பே, எதிர்காலம் வளம் பொருந்திய வாழ்க்கைக்கு அடித்தளமாக அமையும் என்பதை நினைவில் கொள்ளுங்கள். எந்த ஒரு செயலையும், ஒருவன் சிறப்புற செய்ய வேண்டுமானால், அப்பணியில் உறுதி, தூய்மை, முழுஅளவிலான சிரத்தை இம்மூன்றும் உள்ளவனாக இருக்க வேண்டும்.