சுகமாக இருக்கும் வழி - விவேகானந்தர்

by **ஹரி ஓம்** Mon Apr 25, 2011 3:06 pm

* எனக்கு நானே நன்மை செய்து கொண்டு மோட்சத்தை அடைவதைவிட, மற்றவர்களுக்கு நன்மை செய்து, அதனால் ஆயிரம் நரகங்கள் கிடைக்குமானாலும், அங்கு செல்ல நான் தயாராக இருக்கிறேன்.

* அன்பு ஒரு முதலீடு போன்றது. யாவருக்கும் அன்பை வாரி வழங்குங்கள். அதை எவ்வளவு கொடுத்தாலும், நிச்சயம் உங்களுக்குத் திரும்ப வந்துவிடும்.

* மனிதன் முதலில் கற்றுக்கொள்ள வேண்டிய பாடங்களுள் கீழ்படிதல் மிகவும் அடிப்படையான பாடமாகும். பணிவுடையவனுக்கு கட்டளை இடும் பதவி தானாகவே வந்தடையும்.

* வாழ்க்கையில் லட்சியம் இருப்பவன் ஆயிரம் தவறுகள் செய்தால், லட்சியம் இல்லாதவன் ஐம்பதினாயிரம் தவறுகள் செய்வான்.

* கவலைகளை நாளைக்கும், மனமகிழ்ச்சிகளை இன்றைக்கும் வைத்துக் கொள்வோம். அப்போதுதான் வாழ்க்கை சுமையாக இல்லாமல் சுகமாக இருக்கும்.

* தன் தேவைக்கு மேல் ஆசைப்படுபவன், அதற்கு ஒரு முடிவே இல்லாமல் அவதிப்பட்டுக் கொண்டே இருக்கிறான். அதன் காரணமாக துன்பங்களுக்கு ஏதுவான செயல்களை செய்து பிறப்பு, இறப்பு சுழற்சியில் சிக்கி அவதிப்படுகிறான்.

* இறைவன் என்னும் கடலில் மூழ்கி எழுந்திருங்கள். அப்போது மட்டுமே நம்மிடம் உள்ள அனைத்துக் குறைகளும் இருக்கும் இடம் தெரியாமல் முழுமையாக விலகும்.