ஸ்ரீருத்ரம் சிவவழிபாடு அல்ல! (பகுதி-1)

ஸ்ரீருத்ரம் கூறும் ருத்ரன் வேறு, ஆகமம் கூறும் சிவன் வேறு என்பது ஸ்ரீருத்ரத்தைப் பார்க்கும்போது வெள்ளெனப் புலப்படுகிறது. சில உதாரணங்களைப் பார்ப்போம்.

ஸ்ரீருத்ரம் என்பது இருபெரும் பிரிவுகளை உடையது. ஒன்று நமகம்; மற்றொன்று சமகம். நமகம் வணக்கம் செய்வது; சமகம் பலனை வேண்டுவது. இதனை ஓதும் முன் நியாசம் செய்து கொள்ள வேண்டும். இது ஸ்ரீ ருத்ரப்ரச்னத்தில் வருகிறது.

ருத்ரத்திற்கு தேவதை ஆதித்தனே – சிவனல்ல
இதில் ஸ்ரீ ருத்ரத்திற்குத் தேவதை ஆதித்தன். சிவன் அல்ல. அடுத்து தியானம் சொல்லப் படுகிறது. அதன்பின் ஸ்ரீருத்ர சூக்தத்தால் வணங்கப்பட்டு வெளிப்படுவது யார் என்று கூறப்படுகிறது. அது ஒரு ருத்ரன் அல்ல. பல ருத்ரர்கள். அவர்கள் பரமேசுவரின் ரூப பேதங்களாயும் ஸ்ரீருத்ர சூக்தத்தினால் வெளிப்படுத்தப்பட்ட மகிமையுடையவர்களாக விளங்கும் ருத்ரர்கள் எனக் கூறப்படுகின்றனர். சுலோகம் வருமாறு:
“த்ரியட்சா, ருத்ராட்ச மாலா; ப்ரணத பயஹரா;
சாம்பவா மூர்த்தி பேதா;
ருத்ரா; ஸ்ரீ ருத்ர-ஸீக்த ப்ரகடித விபவா
ந; ப்ரயச் சந்து ஸௌக்யம்”
என்பது வடமொழி சுலோகம்.

ருத்ரம் ஏகதெய்வ வழிபாடல்ல
எனவே ஸ்ரீருத்ரத்தால் வணங்கப்படுபவர் ஒரு ருத்ரர் அல்ல; ருத்ரர்களின் கூட்டம். இது நமகத்திலும் கூறப்படுகிறது.
“……………..இந்த பூமியை எல்லா திக்கிலும் வியாபித்திருக்கும் ருத்ர மூர்த்திகள் எவர்கள் ஆயிரக்கணக்காக இருக்கின்றார்களோ இவர்கள் எல்லோருடைய கோபமும் தணிந்து போகும்படி வழிபடுகின்றோம்.”
“யே சேமாம் ருத்ரா அபிதோ திட்சூ
ச்ரிதா: ஸஹஸ்ர சோ வைஷாம் ஹேட: ஈமஹே”
இது மேற்கண்ட தமிழ் வசனப்பொருளில் வரும் வடமொழி நமக வசனம்.

எனவே ஸ்ரீ ருத்ரம் குறிப்பது ஏக தெய்வமாம் பரமமுதற்காரணனான சிவனை அல்ல.
ருத்ரர்களின் கூட்டமே இதில் வழிபடப்படுகிறது. அதுவும் அவர்கள் பரமேசுவரரின் மூர்த்தி பேதங்கள்தாம். இவர்களைக் கூட ஸ்ரீருத்ரம் மிக மேன்மையானவர்கள் என்று கருதி வழிபடுவதில்லை. ருத்ரனைப் பற்றிக் கூறும் ஸ்ரீருத்ரசுலோகங்கள் அவனை மிகக் கொடியவனாகவே வர்ணிக்கிறது.

வழிபடுவது, மிகக் கொடிய வில்லனிடம் என்னை விட்டுவிடு என்று கெஞ்சும் பாணியில்தான் உள்ளதேயன்றி கடவுள் என்றெண்ணி பக்தி விசேஷத்தால் வழிபடுவது போல் இல்லை.

(தொடரும்)
(நன்றி: தமிழ் வேள்வி புத்தகம்)

சாமி wrote:
எனவே ஸ்ரீ ருத்ரம் குறிப்பது ஏக தெய்வமாம் பரமமுதற்காரணனான சிவனை அல்ல.
ருத்ரர்களின் கூட்டமே இதில் வழிபடப்படுகிறது.
[/size]

ஆக ருத்ரம் வேண்டுவது பரமசிவனை அல்ல. தெளிவு பெற்றேன் . நன்றி