தமிழ்த் தாய் வாழ்த்து

நீராரும் கடலுடுத்த நிலமடந்தைக் கெழிலொழுகுஞ்
சீராரும் வதனமெனத் திகழ்பரத கண்டமிதில்
தக்கசிறு பிறைநுதலுந் தரித்தநறுந் திலகமுமே
தெக்கணமு மதிற்சிறந்த திராவிடநற் றிருநாடும்
அத்திலக வாசனைபோ லனைத்துலகு மின்பமுற
எத்திசையும் புகழ்மணக்க இருந்தபெருந் தமிழணங்கே

பல்லுயிரும் பலவுலகும் படைத்தளித்துத் துடைக்கினுமோர்
எல்லையறு பரம்பொருள்முன் னிருந்தபடி யிருப்பதுபோல்
கன்னடமுங் களிதெலுங்குங் கவின்மலையா ளமுந்துளுவும்
உன்னுதரத் துதித்தெழுந்தே பொன்றுபல ஆயிடினும்
ஆரியம்போ லுலகவழக் கழிந்தொழிந்து சிதையாவுன்
சீரிளமைத் திறம்வியந்து செயல்மறந்து வாழ்த்துதுமே.

இந்த பாடல் மனோன்மணீயம் என்ற நாடக நூலில் வருகிறது. நாடகத்தில் கடவுள் வணக்கத்திற்கு அடுத்ததாக தமிழ்த் தெய்வ வணக்கத்தில் வருகிறது. இதை எழுதியவர் பேராசிரியர் பெ.சுந்தரம்பிள்ளை. தமிழ் மொழியில் சிறந்த நாடக நூலில் இதுவும் ஒன்று. சிவப்பு வண்ணத்தில் உள்ள வரிகளை எடுத்து விட்டு நமது தமிழ் மாநிலத்தின் தமிழ்த் தாய் வாழ்த்தாக அமைத்துக் கொண்டனர்.

விளக்கம்
நீலக் கடலை வண்ண ஆடையாக உடுத்திய நிலமகளுக்குப் பாரத நாடு முகமாக விளங்குகிறது.
அதன் பிறை போன்ற நெற்றியில் தெற்குப் பகுதி ஒளிர்கிறது.
அந்த நெற்றியிலே இட்ட திலகமாக தமிழ்நாடு திகழ்கிறது.
அத்திலகத்திலிருந்து பரந்து செல்லும் நறுமணம் தான் தமிழ்த்தாய் (தமிழ் மொழி).
அந்த நறுமணத்தின் மூலம் அனைத்து உலகும் இன்பமுறுகிறது.
அதனால் அகில உலகிலும் புகழ்பெற்றுச் சிறக்க வீற்றிருக்கிறாள்.
பல உலகங்களையும் உயிர்களையும் படைத்துக் காத்து ஒடுக்கும் பரம்பொருள் போல் இன்னும் என்றும் இளமையாகவே இருக்கிறாள் தமிழ்த்தாய்.
தமிழ்த்தாயின் மயக்குறு மக்களே கன்னடமும், தெலுங்கும், மலையாளமும் துளுவும்.
தமிழ்மொழி பரம்பொருள் போன்றது. ஆதலால் ஆரிய மொழி போல் உலக வழக்கொழியாதது, இறவாதது. என்றும் இளமைப் பொலிவுடன் வாழ்வது; வான்புகழ் பெறுவது.
உன் கன்னித்தன்மையைப் புகழ்ந்து, எங்கள் செயல்மறந்து, உன் வயப்பட்டு உலகினர் அனைவருமே இறைஞ்சுகின்றோம்.

திரு சாமி அவர்களுக்கு,

தமிழும் வடமொழியும் நம் சமுதாயத்துக்கும் கவிஞர்களுக்கும் இரு கண்கள் என்பதற்கு நல்லதொரு சான்றை தந்துள்ளீர்கள். நன்றி. சமுதாயத்திற்கு உண்மையையும், அறத்தையும் கூற வந்த கவிஞர்களும், அறிஞர்களும் இவைகளை பிரிக்க நினைத்தது இல்லை என்பது தெளிவாக தெரிகிறது.

கீழ்கண்ட தமிழ்தாய் வாழ்த்து பத்தியில் கவிஞரால் எடுத்தாளப்பட்ட (எனக்கு தெரிந்த) வடமொழி சொற்களை சிவப்பு நிறத்தில் மாற்றியுள்ளேன்.

நீராரும் கடலுடுத்த நிலமடந்தைக் கெழிலொழுகுஞ்
சீராரும் வதனமெனத் திகழ்பரத கண்டமிதில்
தக்கசிறு பிறைநுதலுந் தரித்தநறுந் திலகமுமே
தெக்கணமு மதிற்சிறந்த திராவிடநற் றிருநாடும்
அத்திலக வாசனைபோ லனைத்துலகு மின்பமுற
எத்திசையும் புகழ்மணக்க இருந்தபெருந் தமிழணங்கே

செந்தில்

இதே பொழப்பா போச்சு!
நண்பரே எங்க பார்க்கணுமோ அதை வீட்டுடரீறே !

கன்னடமுங் களிதெலுங்குங் கவின்மலையா ளமுந்துளுவும்
உன்னுதரத் துதித்தெழுந்தே பொன்றுபல ஆயிடினும்
ஆரியம்போ லுலகவழக் கழிந்தொழிந்து சிதையாவுன்
சீரிளமைத் திறம்வியந்து செயல்மறந்து வாழ்த்துதுமே.

தமிழ்த்தாயின் மயக்குறு மக்களே கன்னடமும், தெலுங்கும், மலையாளமும் துளுவும்.
தமிழ்மொழி பரம்பொருள் போன்றது. ஆதலால் ஆரிய மொழி போல் உலக வழக்கொழியாதது, இறவாதது. என்றும் இளமைப் பொலிவுடன் வாழ்வது; வான்புகழ் பெறுவது.

இதற்காக என்னைப் பாராட்ட வேண்டாம் நண்பரே !

திரு சேயோன் அவர்களே,

நான் சொல்ல வந்தது தங்களுக்கு சரியாக புரியவில்லை என்று நினைக்கிறேன்.

1. தமிழ் தாய் வாழ்த்தில் ஏன் இத்தனை வடமொழி/ஆரிய சொற்கள்?
2. மனோன்மணியம் என்பதிலேயே வடமொழி இருக்கிறதே?

வடமொழி பேச்சு மொழியாக இருந்து வழக்கொழிந்து போனதா என்பது ஆராய்ச்சிக்கான விஷயம். ஆனால் தமிழக வரலாற்றில் அரசர்களின் மானிய கல்வெட்டுகளிலும், கவிஞர்களின் பாக்களிலும் தமிழும், வடமொழியும் வழக்கொழியாமல் இரண்டற கலந்திருந்தன என்பது தான் தெளிவு.

மேலும் வைணவத்தில் ஆழ்வார்களால் பாடப்பெற்ற திவ்யப்ரபந்த பாசுரங்களையும், வடமொழி வேதங்களையும் இருகண்களாக கருதுகிறார்கள். சைவத்திலும் நம் சமயக்குரவர்களான நாயன்மார்களும், மடாதிபதிகளும்.அப்படியே செய்து வந்திருக்கிறார்கள் ஆதாரமில்லாமல் பிரிவினையை தோற்ற வேண்டாம் என்பதே என் கருத்து.

இந்த என்னுடைய பதிவை சரியாக புரிந்து கொண்டுவிட்டால் நீங்கள் நிஜமாகவே பாராட்டப் படவேண்டியவர் தான்.

செந்தில்

சாமி wrote:
விளக்கம்
நீலக் கடலை வண்ண ஆடையாக உடுத்திய நிலமகளுக்குப் பாரத நாடு முகமாக விளங்குகிறது.
அதன் பிறை போன்ற நெற்றியில் தெற்குப் பகுதி ஒளிர்கிறது.
அந்த நெற்றியிலே இட்ட திலகமாக தமிழ்நாடு திகழ்கிறது.
அத்திலகத்திலிருந்து பரந்து செல்லும் நறுமணம் தான் தமிழ்த்தாய் (தமிழ் மொழி).
அந்த நறுமணத்தின் மூலம் அனைத்து உலகும் இன்பமுறுகிறது.
அதனால் அகில உலகிலும் புகழ்பெற்றுச் சிறக்க வீற்றிருக்கிறாள்.
பல உலகங்களையும் உயிர்களையும் படைத்துக் காத்து ஒடுக்கும் பரம்பொருள் போல் இன்னும் என்றும் இளமையாகவே இருக்கிறாள் தமிழ்த்தாய்.
தமிழ்த்தாயின் மயக்குறு மக்களே கன்னடமும், தெலுங்கும், மலையாளமும் துளுவும்.
தமிழ்மொழி பரம்பொருள் போன்றது. ஆதலால் ஆரிய மொழி போல் உலக வழக்கொழியாதது, இறவாதது. என்றும் இளமைப் பொலிவுடன் வாழ்வது; வான்புகழ் பெறுவது.
உன் கன்னித்தன்மையைப் புகழ்ந்து, எங்கள் செயல்மறந்து, உன் வயப்பட்டு உலகினர் அனைவருமே இறைஞ்சுகின்றோம்.

எனக்கு பாடல் மட்டுமே (அதுவும் முழுமையாக அல்ல) தெரியும். விளக்கத்துடன் அறிந்து கொண்டேன். நன்றி