கேந்திர ஸ்தானங்கள் (பாவங்கள்) – விளக்கம்.

கேந்திர ஸ்தானம்.
ஒன்று , நான்கு, ஏழு, பத்து

1 ,4 ,7,10 வீடுகள் கேந்திர ஸ்தானங்கள் என்று அழைக்கப்படும் , இவை விஸ்ணு ஸ்தானங்கள் என்றும் அழைக்கப்படும்.


பத்தாம் வீடு – கர்ம பாவம்
ஏழாம் வீடு – காதல் பாவம்
நான்காம் வீடு – காம பாவம்.
முதல் வீடு – அது தான் ஜாதகர்

வினை விதைத்தவன் வினை அறுப்பான். நம்முடைய கர்ம வினை நம்முடைய செயலால் தான் நடைபெறுகிறது. நமக்கு எது நடந்தாலும் அதற்கு நாம் தான் பொறுப்பு. அது தான் இந்த 10ம் பாவம். நாம் என்ன செய்துவிட்டு இப்பிறவிக்கு வந்தோம் என்பது நமக்கு என்ன நடந்து கொண்டிருக்கிறது என்பதைக் கொண்டு அறிந்து கொள்ளலாம்.
10ம் பாவம் தொழில் பாவம் அதாவது. நாம் என்ன தொழில் செய்தால் எங்கனம் சம்பாதிக்கலாம் என்பது தான் இந்த பாவம்

கர்ம வினையை நாம் எப்படி நமக்கு சாதகமாக ஆக்கிக் கொள்வது. அது தான் ஏழாம் பாவம்.

என்னால் முடியாததை எனக்கு கிடைக்காததை நான் மற்றவர்கள் மூலமாக எப்படி அனுபவிக்கப் போகிறேன் என்பதைக் காட்டும் பாவம். அந்த மற்றவர்கள் யாராக இருக்கலாம் களத்திரம் (மனைவி), நண்பர்கள், கூட்டாளிகள் இப்படி நல்லோர் ஒருவரின் துணைகொண்டு என்னுடைய கர்மாவை நான் அனுபவிக்கும் போது அவர்களுடைய நல்லெண்ணம் நம்மை பக்குவப்படுத்தி நல்வழிப்படுத்தும் அதற்காகத்தான் இந்த ஏழாம் பாவம்.

பத்துக்கும் ஏழுக்கும் உள்ள தொரடர்பைப் பார்த்தோம் நம்முடைய கர்ம வினை என்ன அதை யாரார் மூலமாக அனுபவிக்கப் போகிறோம் என்பது தான் அது. சரி. நாழாம் பாவம் ஏன். கிடைத்ததை வைத்து நாம் எப்படி அனுபவிக்கப் போகிறோம் என்பது தான். சொத்து சுகம் வண்டி வாகனம் கல்வி போன்றவை தான் இந்த நாலாம் பாவம். எதன் மூலமாக நாம் நம் கர்ம வினைகளை அனுபவிக்க நமக்கு விதிக்கப்பட்டுள்ளது என்பது தான்.
பாவத்பாவம்
1க்கு 4ம் பாவம் 4
4க்கு 4ம் பாவம் 7
7க்கு 4ம் பாவம் 10
10க்கு 4ம் பாவம் 1


பத்து நம் வினை என்ன?
ஏழு நம் வினை யாரால் நடத்திவைக்கப்படுகிறது
நான்கு நம் வினைப் பயனை எப்படி அனுபவிக்கப் போகிறோம் என்பது தான். அதன் தொடர்பு.

நம்முடைய அனுபவித்தல் தான் இந்த கேந்திர பாவங்கள் அது எவ்வாறு அமைந்துள்ளதோ அதே வழியில் நாம் வாழ்க்கையை வாழ முற்பட்டால் பிறப்பற்ற பெருநிலையை நாம் அடையலாம்.