தீபம் ஏற்றும் முறைகளும் அதனால் உண்டாகும் பயன்களும்.

தீபம் ஏற்றும் முறைகளும் அதனால் உண்டாகும் பயன்களும்.


வீட்டின் சுவாமி அறை மட்டுமல்லாது நடு முற்றம் சமயலறை துளசி மாடம் போன்ற இடத்திலும் தீபங்களை ஏற்றலாம் மாலை நேரம் நடு முற்றத்தில் மாக்கோலம் போட்டு மஞ்சள் திரி வைத்து நெய் தீபம் ஏற்றினால் அந்த குடும்பம் வறுமையின் ஆழத்தில் கிடந்தாலும் மிக கண்டிப்பாக செல்வ செழிப்பின் உச்சத்திற்கு வருமென்று சாஸ்திரங்கள் உறுதியாக சொல்லுகின்றன மேலும் தீபம் ஏற்றுவது தொடர்பாக சாஸ்திரங்களில் கூறப்பட்டதை இங்கு தொகுத்துப் பார்க்கலாம்.

நேரம்
தீபம் ஏற்றுவதற்கு உகந்த நேரமாக கருதப்படுவது அதிகாலை பிரம்ம முகூர்த்தமான நான்கு மணி முதல் ஆறு மணி வரையும் (சூரிய உதயதிற்கு முன்) மாலை ஆறு மணி முதல் ஏழு மணி வரை (சூரிய உதயத்திற்கு பின்)

பலன்
காலையில் வழிபட்டால் அனைத்து செயல்களும் நன்மையைத் தரும்.
மாலையில் வழிபட்டால் வீட்டில் லெட்சுமி வாசம் செய்வாள்.

திசைகள்

கிழக்கு திசையில் தீபம் ஏற்றினால் துன்பம் அகலும் வீட்டில் உள்ள பீடைகள் ஒழியும்
மேற்கு திசையில் தீபம் ஏற்றினால் கடன் தொல்லை மற்றும் சனி தோஷம் விலகும்
வடக்கு முகமாக தீபம் ஏற்றினால் செல்வம் பெருகும் திருமண தடைகள் விலகும் கல்வியில் வெற்றி உண்டாகும்.
தெற்கு முகமாக ஏற்றினால் மரணபயம் உண்டாகும்

திரிகள்

வெள்ளை நிற துணியை திரியாக போட்டால் கல்வி வளரும்
மஞ்சள் நிற துணியை திரியாக பயன் படுத்தினால் மங்களம் நிகழும்
எருக்கம் பஞ்சு திரி வீட்டிற்குள் தீய சக்திகளின் நடமாட்டம் இல்லாமல் இருக்க
பஞ்சு திரி சகல செளபாக்கியம் தரும்
செம்மை நிற திரியால் செல்வம் பெருகும் வறுமை ஒழியும்

எண்ணெய் நெய்.

நெய்தீபம் – மகா லெட்சுமி முழு அருள் கிடைக்கும்
நல்லெண்ணெய் – நாராயணன் அருள் கிடைக்கும்
இலுப்பை எண்ணைய் – ருத்ராதி தேவதைகள் அருள் கிடைக்கும்
தேங்காய் எண்ணைய் – கணபதியின் அருள் கிடைக்கும்
வேப்ப எண்ணைய் – முருகன் அருளால் ஆரோக்கியம் கிடைக்கும்.

விளக்கின் தன்மை

மண்ணால் செய்யப்பட்ட விளக்கு – பீடை விலகும்
வெள்ளி விளக்கு – திருமகள் அருள் கிடைக்கும்
பஞ்ச லோக விளக்கு – தேவதை வசியம் ஏற்படும்.
வெண்கல விளக்கு – ஆரோக்கியம் உண்டாகும்.
இரும்பு விளக்கு – சனி கிரக தோஷம் விலகும்.

தீப முகம்.

ஐந்து முகத்திலும் தீபம் ஏற்றினால் ஐஸ்வரியம் ஏற்படும்
நான்கு முகத்தில் தீபம் ஏற்றினால் பசுக் கூட்டம் வளரும்
மூன்று முகத்தில் தீபம் ஏற்றினால் புத்திர பாக்கியம் கிடைக்கும்
இரண்டு முகத்தில் தீபம் ஏற்றினால் குடும்ப ஒற்றுமை ஏற்படும்
ஒரு முகத்தில் தீபம் ஏற்றினால் சமமான பலன் கிடைக்கும்

தீபம் பற்றி விரிவான விளக்கத்திருக்கு நன்றி

நல்ல விளக்கம்....அருமை...
மிக்க நன்றி.

விரிவான விளக்கத்திருக்கு நன்றி