அன்பும், அறிவும் அருளும் அன்னபூரணி

by கார்த்திகா Thu Jun 20, 2013 1:36 am

நமக்கெல்லாம் அன்னம் அருள்பவளாக போற்றப்படுபவள்... அன்னபூரணி. காசியில் கோவில் கொண்டுள்ள இவளது கையில் பால் அன்னம் நிறைந்த பாத்திரமும், கரண்டியும் இருக்கும். தம்மை நாடி வருவோருக்கு வயிற்றுப்பசியை மட்டுமல்லாமல் ஆன்ம பசியையும் போக்கி அருள்கிறாள்.

திருமூலர் திருமந்திரத்தில் `அன்பே சிவம்' என்று குறிப்பிடுகிறார். `அறிவான தெய்வமே' என்று இறைவனை தாயுமானவர் அழைக்கிறார். இந்த அன்பையும், அறிவையும் நமக்குத் தருபவள் அன்னபூரணி என்று, காசி அன்னபூரணி மீது பாடிய ஸ்தோத்திரத்தில் கூறுகிறார் ஆதி சங்கரர்.