நலம் தரும் நரசிம்மர்

வாடும் பக்தர்களின் துயர்துடைத்துஅவர்களுக்கு நலம் தரு வதற்காக அவதாரம் எடுத்தவர் நரசிம்மர். "பிரகலாதன் தன் தந் தையிடம், "நாராயணன் தூணிலும் இருப்பான், துரும்பிலும் இருப்பான்" என்று கூறினான். தனக்காக பல கஷ்டங்களை அனுபவித்த பக்தன் கூறிய சொல் பொய்யாகி விடக்கூடாது என்பதால், சற்றும் தாமதிக்காமல், தூணில் தோன்றியவர் நரசிம்மர்.

அனைத்து கஷ்டங்களும் அனுபவித்து விட்டோம். இனி கஷ்டப்படுவதற்கு ஒன்றும் இல்லை என்று கலங்கி நிற்பவர்கள் உயிர் பிரிய இருக்கும் வேளையில் அருள் புரியக்கூடியவர் நரசிம்மர். இவர் விழுப்புரம் மாவட்டம் பூவரசன்குப்பம் லட்சுமி நரசிம்மர் கோயிலில் வீற்றிருக்கிறார்.

தென் அகோபிலம்: நரசிம்மர் இரணியனை அழித்து பிரகலா தனுக்கு காட்சி கொடுத்த தலம் ஆந்திராவில் சூஅகோபிலம்' என் றும், முனிவர்களுக்கு காட்சி கொடுத்த தலம் பூவரசன் குப் பம் என்றும் கூறுவர். எனவே இத்தலம் சூதென் அகோபிலம்' எனவும் அழைக்கப்படுகிறது.

தல வரலாறு: பகவான் நரசிம்மர் அகோபிலத்தில் இரண் யனை அழித்த பிறகு உக்கிரம் தணியாமல் அலைந்தார். இரணியனின் கொடுமைக்கு பயந்து காடுகளிலும் மலைகளிலும் ஒளிந்து தவமிருந்த முனிவர்கள் நரசிம்மரின் தரிசனம் கிடைக்க வேண்டினர். அப்படி காட்சியளித்த தலங்கள் தமிழகத்தில் எட்டு உள்ளது.

இத்தலத்தின் கிழக்கே சிங் கரி கோயில், மேற்கே அந்திலி, பரிக்கல், வடக்கே சோளிங்கர், சிங்க பெருமாள் கோயில், தெற்கே நாமக்கல், சிந்தலவாடி ஆகியன அமைந்துள்ளன. சோளிங்கரிலும் அந்திலியிலும் யோக நரசிம்மராகவும், சிங்கிரியில் உக்கிர நரசிம்மராகவும், பூவரசன் குப்பத்தில் லட்சுமி நரசிம்மராகவும் அருள்பாலிக்கிறார் நரசிம்மர்.

தல சிறப்பு: முனிவர்களின் வேண்டுகோளுக்கிணங்க நரசிம்மர் இத்தலத்தில் மகாலட்சுமியை தன் இடது மடியில் அமர்த்தி காட்சி அளித்தார். அப்போது லட்சுமி முனிவர்களை பார்க்காமல் நரசிம்மரையே பார்த்தார். உடனே நரசிம்மர், "நீ முனிவர்களை பார்த்து அருள்பாலிக்காமல் என்னை மட்டும் ஏன் பார்த்து கொண்டிருக்கிறாய்" என்றார். அதற்கு லட்சுமி," "கோபமாக உள்ள நீங்கள் உங்களது வெப்பத்தை, தரிசிக்க வரும் பக்தர்களிடம் காட்டக்கூடாது. எனவே தான் நான் உங்களையே பார்த்து கொண்டிருக்கிறேன்" என்றார். அதன் பின் நரசிம்மரின் கட்டளைக்கிணங்க லட்சுமி ஒரு கண்ணால் நரசிம்மரையும், மற்றொரு கண்ணால் பக்தர்களையும் பார்த்து அருள்பாலித்து வருகிறாள்.

சிறப்பம்சம்: நரசிம்மர் தன் மடியில் அமிர்தவல்லி தாயாரை அமர்த்தி, இடது கரத்தால் அணைத்து, வலது கரத்தால் அபயம் அளித்து, சிரித்த முகத்துடன், சீரிய சிங்கனாக, 12 திருக்கரங்களுடன் விளங்குகிறார். பொதுவாக நரசிம்மரின் உருவம் பெரிய அளவிலும், தாயாரின் உருவம் சிறிய அளவிலும் அமைந்திருக்கும். ஆனால், இத்தலத்தில் ஆணுக்கு பெண் சரிசமம் என்பதற்கிணங்க பெருமாளின் உருவத்திற்கு தகுந்தாற்போல் தாயாரின் உருவம் அமைந்துள்ளது.

கோயில் அமைப்பு: கி.பி. மூன்றாம் நூற்றாண்டில், நரசிம்மர் தூணிலிருந்து தோன்றியதால் ஒரு தூணையே நரசிம்மராக வழிபாடு செய்து வந்துள் ளார்கள். அதன் பின் பல்லவர்கள் நரசிம்மருக்கு கோயில் கட்டி சிலை பிரதிஷ்டை செய்தனர்.

இக்கோயிலில் தாயார், ஆண் டாள் சன்னதிகள் தனியாக அமைந்துள்ளன. இங்குள்ள அமிர்தவல்லி தாயார் அமிர் தத்திற்கு இணையான பலனை கொடுக்க வல்லவள். அதனால் தான் சூஅமிர்தபலவல்லி' என அழைக்கப்படுகிறாள்.

இக்கோயிலில் கும்பாபிஷேக திருப்பணிகள் நடந்து வருகிறது.

திருப்பணி செய்ய விரும்புவோர், ஷ்ரீ லட்சுமி நரசிம்மர் கோயில் தேவஸ்தானம், பூவரசன்குப்பம், மோட்ச குளம் வழி, விழுப்புரம் மாவட்டம் என்ற முகவரியில் தொடர்பு கொள்ளலாம்.

போன்: 0413-269 8191

திறக்கும் நேரம்: காலை 8 - 12.30 வரை, மாலை 4 முதல் இரவு 8 வரை திறந்திருக்கும்.

விழா: மாத சுவாதி நட்சத்திரம், தமிழ் வருடப்பிறப்பு, வைகுண்ட ஏகாதசி, நரசிம்ம ஜெயந்தி, புரட்டாசி சனிக்கிழமை.

இருப்பிடம்: விழுப்புரத்திலிருந்து 18 கி.மீ. தூரத்திலுள்ள பூவரசன் குப்பத்திற்கு பஸ்வசதி உள்ளது.

நன்றி
http://www.tamil-temples.com