ஜோதிடத்தில் 12 வீடுகள்.

by **tmm_raj_ramesh** Tue Mar 27, 2012 6:59 pm

ஒவ்வொரு வீடும் ஒவ்வொரு பாவம். ஒவ்வொரு பாவமும் ஒவ்வொரு செயலுக்கு பொருப்பேற்கிறது. அந்தப் பொருப்பிற்குப் பெயர் காரகத்துவம். இனி முதல் பாவத்தையும் அதனுடைய காரகத்துவத்தையும் காணலாம்.

பாவம் 1 – முதல் வீடு்

இலக்கிண பாவம் என்று குறிப்பிடப்படுகிறது. இது தான் தலையாய பாவம். இந்த பாவம் நன்றாக இருந்தால் தான். மற்ற பாவங்கள் தத்தம் செயலை முறையாகச் செய்ய முடியும். 12 பாவங்களின் சுறுக்கம் தான் இந்த முதல் வீடு. ஜாதகருக்கு கிடைக்கக் கூடிய அதிர்ஷடம், பாக்கியம், இன்பம் மற்றும் அவற்றை அனுபவிக்கக் கூடிய சூழ்நிலை. மேலும் நோய், வழக்கு, கடன் அது நீங்கும் காலம் போன்றவை தரும் பலன்கள் இந்த முதல் பாவத்தின் வெளிப்பாடாகும்.

இலக்கிணாதிபதி,

இலக்கிணத்தில் உள்ள கிரகம்,

இலக்கிணத்தைப் பார்க்கும் கிரகம்.

இலக்கிணாதிபதியின் நட்சத்திரம்,

இலக்கிணாதிபதியின் நட்சத்திரத்தில் உள்ள கிரகம்

அஷட்டவர்கத்தில் இலக்கிண பாவத்தின் நிலை.

அஷட்டவர்கத்தில் இலக்கினாதிபதியின் நிலை.

சட்பலத்தில் இலக்கிண பாவத்தின் நிலை.

சட்பலத்தில் இலக்கினாதிபதியின் நிலை.

இது போன்ற விசயங்களை ஆராய்ந்த பின்பு தான் இலக்கிண பலம் என்ன என்பது தெரியவரும். பின்பு தான் அதற்கான பலன்களை கூற முடியும்.

ஒவ்வொரு பாவத்திற்கும் இது போன்றுதான் ஆராய வேண்டும். இரண்டாம் அதிபதி முதல் 12ம் அதிபதி வரை ஒரே விதிமுறைகள் தான். ஆனால் பலன்கள் மட்டும் மாறும்.

இனி சுறுக்கமாக மற்ற பாவங்களைப் பற்றி பார்ப்போம்.