ஜோதிடத்தில் 12 வீடுகள். ( 9 முதல் 12 வீடுகள்)

by **tmm_raj_ramesh** Fri Mar 30, 2012 3:58 pm

பாவம் 9 – ஒன்பதாம் வீடு்

பாக்கிய ஸ்தானம். –அப்பா ஸ்தானம். இந்த இடம் மிகவும் முக்கியத்துவம் வாய்ந்தது. நமக்கு கிடைக்கும் பாக்கியம் அதாவது பாரம்பரிய சொத்துக்கள். பற்றி அறியலாம். ஒன்பதாம் பாவம் திரிகோண பாவம். இதில் உள்ள கிரகங்கள் இதன் அதிபதிகள் நல்லது அதிகம் செய்ய கடமைப்பட்டவர்கள்.

மதம் சம்பந்தப்பட்டது, கடவுள், நம்பிக்கை, பாதுகாப்பு, குரு பற்றி இந்தபாவம் மூலம் அறியலாம்

பாவம் 10 – பத்தாம் வீடு்

கர்ம ஸ்தானம். தொழில் ஸ்தானம். அரசாங்கம் வெற்றி பெருமை

இது போன்றவற்றை பற்றி அறியலாம். இது கேந்திர பாவம். இதில் உள்ள கிரகங்களும் இதன் அதிபதிகளும் நன்மை அதிகம் செய்ய கடமைப்பட்டவர்கள். ஆனால் கேந்திராதிபத்திய தோசம் இல்லாமல் இருக்க வேண்டும். தொழில் மட்டுமல்லாமல் நம்முடைய கர்மவினை பற்றி எடுத்துரைக்கும் பாவம் இந்த 10ம் பாவம். பத்தில் ஒரு பாவி அதாவது பாவ கிரகம் அமர்வது கர்ம வினையை அனுபவிக்க மிகவும் உறுதுணையாக இருக்கும்.

பாவம் 11 – பதினொராம் வீடு்

இலாப ஸ்தானம். இலாபமாய் எல்லாம் கிடைக்க இந்த பாவம் தான் காரணம். இந்த பாவம் பலம் பெற்றவன் வாழ்க்கையில் வெற்றியின் திருப்தியை எளிதில் அடைந்துவிடுவான். அதே நேரம் சுயநலம், தேவைகள் போன்றவையும் இந்த 11ல் அடங்கும். 11ன் திசா புத்தி அந்தர சூட்சும காலங்களில் ஏதேனும் ஒருவகையில் அனைவரும் இலாபத்தை அடையலாம்.

பாவம் 12 – பனிரென்டாம் வீடு்

மோட்ச ஸ்தானம். மோட்சம், விரையம், தூக்கம், நன்கொடை, வயதான காலம் போன்றவற்றை இந்த 12ம் வீடு குறிக்கின்றது. 12ல் கேது நல்ல நட்சத்திர பாதத்தில் இருந்தால் மோட்சம் கிட்டுமாம். மேலும் 12ம் இடம் மறைவு ஸ்தானம், 6,8,12ல் 12 ம் இடம் மிகுந்த சோதனையைத் தரும். சோதனையை சாதனையாக்க முயற்சி செய்தால் மோட்சத்தை எளிதில் அடைந்து விடலாம்.