வேதம் = தூய தமிழ்ச் சொல்

வே என்பது ஓரெழுத்து வேர்ச் சொல்.

அதிலிருந்து வேதல், வேய்தல், வேலி போன்றச் சொற்கள் கிளைத்து எழும்.
வேகவைக்கும்போது பாத்திரத்தின் மேலே ஒரு தட்டை வைத்து மூடுவோம்.
கூரை வேயும் போது சுவர்களின் மீது ஓலை, ஓடு போன்றவற்றால் மூடுவோம்.
ஒரு குறிப்பிட்ட நிலப்பரப்பை மற்றவரிடமிருந்து மறைக்க இடும் அமைப்பை வேலி என்கிறோம்.

அது போல பல உள்ளுறைகளை மறைத்து மூடிச் சொல்வதை வேதம் என்று ஆன்றோர் கூறினர். வேய்ந்தது வேதம் எனப்பட்டது. ஆகவே அது தூய தமிழ் வேர் ஒன்றினைக் கொண்ட தூய தமிழ்ச் சொல்.

இவ்வாறு பல உயரிய உள்ளுறைகளை மறைத்துக் கூறிய மறை - வேதம் என்பன தமிழில் பண்டைய காலம்தொட்டே இருந்துவருகின்றன. இதனை மணிவாசகர் ‘பண்டாய நான்மறை’ என்று குறிப்பிடுகிறார். ‘சதாசிவம் தத்துவம் முத்தமிழ் வேதம்' என்று திருமூலர் எடுத்துக் கூறுகிறார்.

சாமி wrote:வே என்பது ஓரெழுத்து வேர்ச் சொல்.
பல உள்ளுறைகளை மறைத்து மூடிச் சொல்வதை வேதம் என்று ஆன்றோர் கூறினர். வேய்ந்தது வேதம் எனப்பட்டது. ஆகவே அது தூய தமிழ் வேர் ஒன்றினைக் கொண்ட தூய தமிழ்ச் சொல்.

நன்றி நண்பரே!
வேதம் என்பதற்கான தெளிவு பெற்றேன்.

நன்றி தெரிந்து கொண்டேன்

திரு சாமி அவர்களுக்கு,

தமிழ் புத்தாண்டு வாழ்த்துக்கள்.

தங்களின் இந்த பதிவில் ஒரு ஐயம். வேதம் என்பது தமிழ்ச் சொல் என்றால் வேதாசலம் என்ற தன் பெயரை மறைமலை அடிகள் ஏன் மறைமலை என்று மாற்றிக் கொண்டார்? வேதமலை என்றே வைத்திருக்கலாமே??

‘சதாசிவம் தத்துவம் முத்தமிழ் வேதம்' என்று திருமூலர் கூறியதில் சதாசிவம் என்பதும் தத்துவம் என்பதும் தமிழ்ச் சொற்கள் தானா?

செந்தில்

svelan74 wrote:திரு சாமி அவர்களுக்கு,
தங்களின் இந்த பதிவில் ஒரு ஐயம். வேதம் என்பது தமிழ்ச் சொல் என்றால் வேதாசலம் என்ற தன் பெயரை மறைமலை அடிகள் ஏன் மறைமலை என்று மாற்றிக் கொண்டார்? வேதமலை என்றே வைத்திருக்கலாமே??
செந்தில்

மறைமலை அடிகளைக் கேட்க வேண்டிய கேள்வி என்று நினைக்கிறேன்.
கணேசா, செந்தில் ஆண்டவா, தண்டாயுதபாணி.... தீரனாக நண்பர் குட்டையைக் குழப்ப வேண்டும் என்றே திரிகிறாரே... புத்திமதி சொல்லக் கூடாதா.

நண்பரே இதற்கும் என்னைப்பாராட்ட வேண்டாம் என்று கேட்டுக் கொள்கிறேன்.

திரு சேயோன் அவர்களே,

இங்கும் கேட்கப்பட்ட கேள்விகளுக்கு பதிலிடாமல் வேறெங்கோ செல்கிறீரே?? விளக்கமாக கூறுகிறேன்.

தனித்தமிழ் இயக்கம் கண்ட மறைமலை அடிகளே "வேதம்" தமிழ்ச்சொல்லாக இருந்திருந்தால் வேதாசலம் என்று தன் தந்தையார் இட்ட பெயரை வேதமலை என்றே வைத்திருப்பாரே ஆக வேதம் தமிழ்ச் சொல் இல்லை என்பது தான் கருத்து.

மறைமலை அடிகளிடம் கேட்க வேண்டிய கேள்வி என்கிறீர்கள். ஒப்புக் கொள்கிறேன். தாங்கள் இட்ட பதிவிலிருந்து தங்களிடம் கேட்ட கீழ்கண்ட கேள்விக்கு பதில் அளிப்பீர்களா?

‘சதாசிவம் தத்துவம் முத்தமிழ் வேதம்' என்று திருமூலர் கூறியதில் சதாசிவம் என்பதும் தத்துவம் என்பதும் தமிழ்ச் சொற்கள் தானா?

தமிழும் வடமொழியும் இரண்டற கலந்தது..அவற்றை பிரிக்க எண்ணியும் சைவசமயத்தில் குழப்பம் விளைவிக்கவும் ஆதாரமற்ற/ஆராய்சியுமற்ற செய்திகளை நாம் புறம் தள்ள வேண்டும் என்பதே வேண்டுகோள்.

செந்தில்

svelan74 wrote:தமிழும் வடமொழியும் இரண்டற கலந்தது..அவற்றை பிரிக்க எண்ணியும் சைவசமயத்தில் குழப்பம் விளைவிக்கவும் ஆதாரமற்ற/ஆராய்சியுமற்ற செய்திகளை நாம் புறம் தள்ள வேண்டும் என்பதே வேண்டுகோள்.

ஆளும் அரசியல்வாதிகள் தங்கள் சுயநலத்துக்காக இது போல பிரித்தாளும் சூழ்ச்சிகளை கையாண்டு இன்று தமிழ் , வடமொழி என்று இரு எல்லைகளுக்கு தள்ளபட்டுள்ளோம்

சாமி wrote:வே என்பது ஓரெழுத்து வேர்ச் சொல்.
அதிலிருந்து வேதல், வேய்தல், வேலி போன்றச் சொற்கள் கிளைத்து எழும்.
வேகவைக்கும்போது பாத்திரத்தின் மேலே ஒரு தட்டை வைத்து மூடுவோம்.
கூரை வேயும் போது சுவர்களின் மீது ஓலை, ஓடு போன்றவற்றால் மூடுவோம்.
ஒரு குறிப்பிட்ட நிலப்பரப்பை மற்றவரிடமிருந்து மறைக்க இடும் அமைப்பை வேலி என்கிறோம்.
அது போல பல உள்ளுறைகளை மறைத்து மூடிச் சொல்வதை வேதம் என்று ஆன்றோர் கூறினர். வேய்ந்தது வேதம் எனப்பட்டது. ஆகவே அது தூய தமிழ் வேர் ஒன்றினைக் கொண்ட தூய தமிழ்ச் சொல்.
இவ்வாறு பல உயரிய உள்ளுறைகளை மறைத்துக் கூறிய மறை - வேதம் என்பன தமிழில் பண்டைய காலம்தொட்டே இருந்துவருகின்றன. இதனை மணிவாசகர் ‘பண்டாய நான்மறை’ என்று குறிப்பிடுகிறார். ‘சதாசிவம் தத்துவம் முத்தமிழ் வேதம்' என்று திருமூலர் எடுத்துக் கூறுகிறார்.

அருமையான விளக்கம். நன்றி