புரட்டாசி சனிக்கிழமை விரதம்

திருப்பதி திருமலையை ஆட்சி செய்து வந்தான்
தொண்டைமான் எனும் மன்னன். அவன் ஒருநாள்
ஏழுமலையான் சன்னிதிக்குச் சென்றான்.
பெருமாளுக்கு தூவுவதற்காக அவன் தங்கப்
பூக்களை உபயமாக அளித்திருந்தான். அங்கு போய்
பார்த்த போது, மண்பூக்களாகக் கிடந்தன.
-
அதனால் குழம்பிபோன அவனது
கனவில், சீனிவாசன் தோன்றினார். “மன்னா…
பீமன் என்ற குயவன், என்னை மிகுந்த பக்தியுடன்
மண் பூக்ககளால் அர்ச்சித்து வருகிறான்; அவற்றை
நான் ஏற்றேன். அதனால், உன் தங்கப்பூக்களும்,
மண்பூக்களாக மாறிக் கிடக்கின்றன…’ என்றார்.
-
மறுநாளே, பீமன் இருக்கமிடம் சென்று,. “எதற்காக
மண் பூக்களால் அர்ச்சிக்கிறாய்; தோட்டத்துப் பூக்கள்
கூட கிடைக்கவில்லையா?’ என்றான்.
-
“அரசே… நான் பரம ஏழை. இந்த வேலையை விட்டு,
விட்டு பூப்பறிக்க நேரத்தை செலவிட்டால், பாண்டம்
செய்யும் நேரம் குறையும். குடும்பம் மேலும் வறுமையில்
தவிக்கும். அதனால் தான், என்னிடம் என்ன இருக்கிறதோ,
அதனால் பூ செய்து அர்ச்சிக்கிறேன்.
மேலும், கல்வியறிவற்ற எனக்கு பூஜை முறையும்
தெரியாது. ஆயுள் முழுவதும் சனிக்கிழமை விரதம்
இருந்து, அவரது திருவடியை அடைய வேண்டும் என்பதே
என் நோக்கம்…’ என்றார்.
-
இதைக் கேட்ட தொண்டைமான் மனம் நெகிழ்ந்து,
அந்த ஏழைக் குயவனுக்கு வேண்டுமளவு பணம்
கொடுத்தான். ஒரே நாளில் செல்வந்தனாகி விட்டார் அந்தக்
குயவர்.
-
நிஜ பக்திக்கு <உரிய பலனை பெருமாள் கொடுத்து விட்டார்.
அவர் நீண்டகாலம் வாழ்ந்து, தொடர்ந்து பெருமாளுக்கு
பூஜை செய்து, அவரது திருவடியை அடைந்தார்.-
இதனால் தான், இப்போதும் திருப்பதியில், பணக்காரப்
பெருமாளுக்கு, மண்சட்டியில் நிவேதனம் செய்யப்படுகிறது
என்பது குறிப்பிடத்தக்கது
-.
சனிக்கிழமை விரதம் எளிமையானது. பகலில் பழம், தீர்த்தம்
மட்டும் சாப்பிட்டு, இரவில் எளிய உணவுடன் விரதம்
முடிக்கலாம். மாலையில் பெருமாளுக்கு எள் எண்ணெய்
தீபம் ஏற்ற வேண்டும்.
-
புரட்டாசி மாத சனிக்கிழமை மிகவும் விசேஷம். இதுவரை
விரதம் இருக்காதவர்கள், புரட்டாசி கடைசி சனியன்றாவது
விரதம் அனுஷ்டித்தால், சகல செல்வமும் பெற்று வாழலாம்.

புரட்டாசி சனிக்கிழமை விரதம்- பகிர்வுக்கு நன்றி..

நீங்கள் செய்தியில் பதிந்து உள்ளீர்கள்.. பக்தி கதை பொருத்தமாக இருக்கும் என்று நினைக்கிறேன்.. அதற்க்கு பொருத்தமான தலைப்பின் கீழ் பதிந்தால் இங்கு வரும் நண்பர்களுக்கு தேடி படிக்க எளிதாக இருக்கும்..

பக்தி கதை தலைப்பின் கீழ் மாற்றி விடலாமா? சொல்லுங்கள்

லெட்சுமணன் wrote:புரட்டாசி சனிக்கிழமை விரதம்- பகிர்வுக்கு நன்றி..

நீங்கள் செய்தியில் பதிந்து  உள்ளீர்கள்.. பக்தி கதை பொருத்தமாக இருக்கும் என்று நினைக்கிறேன்.. அதற்க்கு பொருத்தமான தலைப்பின் கீழ் பதிந்தால் இங்கு வரும் நண்பர்களுக்கு தேடி படிக்க எளிதாக இருக்கும்..

பக்தி கதை தலைப்பின் கீழ் மாற்றி விடலாமா? சொல்லுங்கள்

உடனே செய்யுங்கள்...

மாற்றியத்தற்கு மிக்க நன்றிகள்..